Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия марди 31-солаи сокини шаҳри Истаравшан бо гумони содир намудани кирдори қаллобӣ дастгир карда шуд. 
Гумонбаршаванда соли 2024, бо роҳи фиреб ба боварии марди 39-солаи сокини шаҳри Истаравшан даромада, дар бозори Фут-Ситии шаҳри Москваи Федератсияи Россия аз ӯ 9 миллиону 300 ҳазор рубли русиро бо баҳонаи мубодилаи асъор гирифта, ваъда додааст, ки дар мудати 2-3 соат ба сад ҳазор доллари амрикоӣ иваз карда медиҳад. Минбаъд гумонбаршаванда ба ҷабрдида ба маблағи 50 ҳазор доллари амрикоӣ дода, боқимонда маблағи 4 миллиону 650 ҳазор рубли русиро мутаносибан бо асъори миллӣ, баробар ба 555 ҳазору 675 сомонӣ то ҳол барнагардонида, ба манфиати шахсиаш сарф намудааст. 
Аз рӯи ҳодисаи мазкур тафтишот идома дорад.