11-уми сентябри соли 2024, тахминан соати 22:50-дақиқа,  ронандаи автомашинаи тамғаи “Мерседес Бенс”, Пиров Шавкат, соли таваллудаш 1995, сокини шаҳри Душанбе, ҳангоми ҳаракат бо кӯчаи Гипрозем аз самти деҳаи Пахтакор ба самти кӯчаи Борбад, дар рӯ ба рӯи тарабхонаи “Ҳамадонӣ” бо автомашинаи тамғаи “Лексус”, таҳти идораи Қазоқов Изат Зубайдович, соли таваллудаш 1967, сокини пойтахт, бархӯрдааст. 
Дар натиҷа, ронандаи автомашинаи тамғаи “Мерседес Бенс”, Пиров Ш. ҷароҳатҳои гуногуни ҷисмонӣ бардошта, дар беморхона ба ҳалокат расида, мусофири автомашинаи тамғаи “Лексус” Назарова Бибизулайхо, соли таваллудаш 2017, сокини шаҳри Душанбе, ҷароҳати ҷисмонӣ бардошта дар беморхона бистарӣ гардидааст.
11-уми сентябри соли 2024, тахминан соати 19:20-дақиқа,  ронандаи автомашинаи боркаши тамғаи “Зак”, Саидов Муҳаммад Тағоевич, соли таваллудаш 1994, сокини шаҳри Ваҳдат, ҳангоми ҳаракат аз самти шаҳри Душанбе ба самти шаҳри Кӯлоб дар километри 47-400-ум метр аз уҳдаи идораи воситаи нақлиёт набаромада, ба санги калонҳаҷми канори  роҳи мошингард бархӯрда, чаппа шудааст. 
Дар натиҷа, худи ронандаи автомашинаи мазкур Саидов М.Т. ҷароҳатҳои ҷисмонӣ бардошта, дар ҷойи ҳодиса ба ҳалокат   расида, мусофири дохили ҳамин автомашина Раҳимзода  Ҳасан, соли таваллудаш 2005, сокини шаҳри Ваҳдат, ҷароҳатҳои гуногуни ҷисмонӣ бардошта, дар  беморхона бистарӣ  гардидааст.
Оид ба ин ҳодисаҳо таҳқиқот идома дорад.