9 ноябри соли 2024 дар арафаи таҷлили Иди касбии кормандони милитсия, ки ҳамасола 10 ноябр дар фазои идона таҷлил карда мешавад, Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро аз корҳои ободониву созандагии Раёсати таъминоти моддӣ-техникӣ ва низомии Вазорати корҳои дохилӣ дидан намуд.
Вазири корҳои дохилӣ аз ошхонаи нав, ошпазхона, хобгоҳи муҷаҳҳаз бо тамоми шароити зарурӣ, ҳаммом ва дигар шароитҳои истироҳативу маишии сарбозони ротаи посбонии Раёсати қӯшунҳои дохилии ВКД, ки дар Раёсати таъминоти моддӣ-техникӣ ва низомии Вазорати корҳои дохилӣ адои хизмат менамоянд, аз наздик шиносоӣ пайдо кард. 
Ҳамчунин аз амборхонаҳо ва дигар иншооти ёрирасони раёсати мазкур, ки пурра таъмир гардидаанд, боздид намуда, 
ҷиҳати омодагӣ ба зимистонгузаронӣ ва захира намудани маводи зарурӣ ба масъулини соҳа як қатор дастуру супоришҳои мушаххас дод.
Гул Маҳбуба