8-уми ноябри соли 2024, тахминан соатҳои 18:30-дақиқа, ронандаи автомашинаи тамғаи “Чанху”, Соҳибназаров Раҳим Талбакшоевич, соли таваллудаш 1986, сокини шаҳри Кӯлоб ҳангоми ҳаракат аз самти деҳаи Саричашмаи ҷамоати деҳоти Кӯлоб ба самти шаҳри Кӯлоб ҳангоми расидан дар ҳудуди маҳаллаи Чармгарони поён аз уҳдаи идораи воситаи нақлиёт набаромада, бо қисмати пеши автомашинааш пиёдагард Исматов Раҳматулло, соли таваллудаш 1949, сокини шаҳри Кӯлобро пахш намудааст.
Дар натиҷа, Исматов Р. ҷароҳатҳои гуногуни ҷисмонӣ бардошта, дар беморхона ҳангоми ташхис намудан ба ҳалокат расидааст.
9-уми ноябри соли 2024, тахминан соати 12:40-дақиқа, автомашинаи тамғаи «LEXUS RX 350», таҳти идораи Саидов Диловар Саидбекович, соли таваллудаш 2001, сокини шаҳри Ваҳдат, ҳангоми ҳаракат дар роҳи автомобилгарди кӯчаи Сомониёни шаҳри Ваҳдат ба электроскутери ноболиғ Яҳёев Ойбек Умурзоқович, соли таваллудаш 2007, сокини шаҳри мазкур, ки роҳи автомобилгардро убур мекард, бархӯрдааст. 
Дар натиҷа, ноболиғ Яҳёев О.У. ҷароҳатҳои гуногуни ҷисмонӣ бардошта, дар беморхона ба ҳалокат расидааст. 
Оид ба ин ҳодисаҳо таҳқиқот идома дорад.