Имрӯз аз ҷониби Федератсияи футболи шаҳри Душанбе, ба Вазири корҳои дохилӣ, генерал-лейтенанти милитсия Рамазон Раҳимзода барои иштироки фаъолона ва дастгириву ғамхорӣ дар рушду нумуи соҳаи варзиш, бахусус футбол «Сипоснома» тақдим карда шуд.

Онро ноиби Президенти Федератсияи футбол Увайдо Давлатбеков супорида, иброз дошт, ки дар солҳои охир тимҳои Вазорати корҳои дохилӣ дар мусобиқаҳои варзишӣ ҳам дар ҷумҳурӣ ва берун аз он ба дастовардҳои назаррас ноил мегарданд, ки аз ин дастгирии роҳбарияти Вазорати корҳои дохилӣ шаҳодат медиҳад

Бояд ёдовар шуд, ҳафтаи гузашта дастаи футболи калонсолон, синнашон аз 40 болои Дастгоҳи марказии ВКД  дар Чемпионати шаҳри Душанбе оид ба футбол, сазовори ҷойи аввал гардид.

Дар партави дастгириву ғамхориҳои Президенти Ҷумҳурии Тоҷикистон муҳтарам Эмомалӣ Раҳмон, бо мақсади рушди соҳаи футбол, бо ташаббуси Вазири корҳои дохилӣ имрӯз варзишгоҳи Спитамени Вазорат барои кӯдакон наврасон ройгон хизмат менамояд.