Вохӯрӣ оид ба тақвият бахшидани ҳамкориҳои дуҷониба
11-уми апрели соли 2026 вохӯрии Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро бо Дабири кулли Созмони Аҳдномаи амнияти дастҷамъӣ (СААД) Таалатбек Масадиқов баргузор гардид. Дар ин дидор Вазири корҳои дохилӣ дабири кулли СААД-ро барои ба ин вазифаи пурмасъул таъин шуданаш табрику муборакбод намуда, дар иҷрои масъулияти ба зиммадошта барору комёбиҳо таманно намуд.
Дар ҷараёни вохӯрӣ ҷонибҳо оид ба масъалаҳои тақвият бахшидани ҳамкориҳо дар самти мубориза бар зидди ҷинояткории фаромиллӣ, муҳоҷирати ғайриқонунӣ ва дигар мавзӯъҳои мубрам табодули афкор намуданд.
